samedi 3 août 2013

انا حزين، حزين ياسر على بلادنا

 انا حزين، حزين ياسر على بلادنا. لبلاد اصبح فيها الي عندو كلاش حاجة عادية. الإسلاميين وقتلي خذاو الحكم في عوض يخدمو لبلاد قعدو يخدمو في مصالحهم. القانون لعبو بيه كيف ما حبو. يدخلو ويخرجو في الناس على حسب هواهم. السلفيين عملو فيها شاطح باطح. يدخلوهم للحبوسات من الباب القدامي ويسيبوهم من الجيهة لخرى. هذا العدل الي قال عليه ربي؟ علاش هكة بلادنا؟ بلادنا المزيانة الي شعبها معتدل . علاش؟ الدين دين ربي عزة وجل وكل واحد يتحاسب قدامو. اش دخلهم في حياتنا. شوف الجوامع اليوم. ولات منابر للكراهية. هذا ربي اش قال؟ و في الآخر جنودنا يتقتلو ابشع مما يمكن. الاقتصاد بارك الشركات قاعدة تسكر والسياحة تحزن. هاذي تونس الي حبوها الإسلاميين؟ تقول جاو بش ينتقمو من أجيال العذاب والتشريد الي راووها. ما كناش انجمو نتعايشو معا بعضنا و نخليو الدين في الجوامع موش في تسيير الدولة؟ علاش هكة؟ علاش ليوم مكبشين بعد ما اثبتوا فشلهم الذريع في تسيير البلاد؟ علاش ها الدولة الموازية الي حطوها؟ فاش ليوم هوما بعاد على بن علي. أكثر من شطر الشعب ليوم يبخر بريحتهم . موش كان ممكن نتعايشو؟ الباجي ردوه بليس ويتعاملو مع مرجان والقروي؟ قلبي، لا موش قلبي، دموعي دم على بلادي، على بلادك يا منار. مشات. اعتصامات باردو تزيد اتبكيني. اهومة شطر من هنا وشطر من عادي يدزايدو على بعضهم وسياسيين يتلعبو بيهم. لبلاد ما فيهاش صلاح؟ حرام حرام حرام هال البلاد الحلوة ، المسامحة الي تعايشو فيها المسلمين مع اليهود مع المسيح مع الكفار... يصير فيها هكة